Hundshorn (2928m)14.04.2024
Verhältnisse vom 28.06.2018
Ober Tatelishorn (2962m): von sunnbüel über die westseite
E gueti Fründin het unbedingt der uche wöue. Aber für üs het das Obere Tatelis us der Ferni nid grad iiladend usgseh, garschtig, stotzig und mir hei das schnäu mau aus Schnapsidee deklariert u gseit: dert ufe wei mir nid! Basta! Hei nis la überschnure u si losgloffe. Ufem Grätli de no einisch es churzes Ufböime vo minere Site, het aber nüt gnützt. Churz nachem grasige Teil chunnnt de e ganz doofi Stell, sone Felsriegel und mikroskopisch chliises Gröll wome eifach nume rütscht. Abwärts natürli. Eh ja, hani dänkt, so hamers vorgstellt. Aber när, siehe da, ganz guet gange, der Untergrund zwar bis obe unstabil und immer wieder aus hätt me Ärbsli unger de Füess. Und i ha mi gfragt, wele Depp het au die Steine uu Steindli uf dä Hoger usgläärt?? Aber nach ere Stund Knorz und Gsperz simer dobe gsii. U das isch der Hammer!! Me hocket da wine chliine Furz ungerhalb vom Altels und stuunet nume no.
Wär auso e wildi, ungwöhnlechi, einsami und chli aaspruchsvolli Tour wott mache isch dert obe guet bedient. Es chunnt sogar chli Hochtoure-Feeling uuf.
Me mues eifach der Wäg chli sueche, aber es geit guet. Nidsi geits de eh umso rassiger wiu me viu cha dür ds Gröll ab surfe.
Aber us der Schnapsidee isch e enorm kuuli Tour worde. Aber göht iz nid grad aui am Wuchenänd der uche, süsch isch der Reiz nümme da, auso das mit em einsam u so...
Föteli leider kener, da sech ds Tatelis nach em Abstieg i Näbu verabschiedet het. U vor ere Tour macheni nie Föteli, zersch wotti der Gipfu haa bevor em "zu bezwingenden Ziel".
Die Tour isch iz aus Schiitour im Gipfubuech. U da das mi erscht Ytrag isch, weissi grad nid wini das cha aapasse. Isch natürli ke Schiigour gsii.
Wär auso e wildi, ungwöhnlechi, einsami und chli aaspruchsvolli Tour wott mache isch dert obe guet bedient. Es chunnt sogar chli Hochtoure-Feeling uuf.
Me mues eifach der Wäg chli sueche, aber es geit guet. Nidsi geits de eh umso rassiger wiu me viu cha dür ds Gröll ab surfe.
Aber us der Schnapsidee isch e enorm kuuli Tour worde. Aber göht iz nid grad aui am Wuchenänd der uche, süsch isch der Reiz nümme da, auso das mit em einsam u so...
Föteli leider kener, da sech ds Tatelis nach em Abstieg i Näbu verabschiedet het. U vor ere Tour macheni nie Föteli, zersch wotti der Gipfu haa bevor em "zu bezwingenden Ziel".
Die Tour isch iz aus Schiitour im Gipfubuech. U da das mi erscht Ytrag isch, weissi grad nid wini das cha aapasse. Isch natürli ke Schiigour gsii.
Letzte Änderung: 29.06.2018, 19:22Aufrufe: 1461 mal angezeigt
Aktuelle Verhältnisse in der Umgebung
Metadaten
Ober Tatelishorn (2962m)
von sunnbüel über die westseite
Karte