Tourenpartner | Eintrag

Nick_Altitude

Skitourenpartner BEO/Wallis/Uri

Skitourenpartner BEO/Wallis/Uri
Skitour / Snowboardtour
CH - Zürich
nein
Sali zäme!
Sueche e ufgstellte Kumpel für de Winter/Früehlig für Ski(hoch)toure im Bereich WS bis ZS- (Schwierigkeit Ski) bzw. WS/WS+ (Schwierigkeit HT).

Ich liebe s'Jungfraugebiet (also alles um Mönchsjochhütte, Konkordia, Finsteraarhornhütte, Lötschenlücke...), Wallis/Unterwallis oder au Urner Alpe. Kenne mi da au bereits prima uus :)

Bi nonig ganz 40gi, fit und ufgstellt, aber ned verbisse - s'Erlebnis chunt vor em "Chrampfe" :) Tempo au ehnder gmüetlich, mag zwar lang durehebe und ha höhemetermässig au einiges druf, aber der Berg deruuf seckle mag i ned.

Wenn Du Dich agsproche fühlsch und s'der ned z'schad isch, au mal under der Wuche en Tag oder 2 frei z'neh für es tolls Erläbnis mit ned so volle Hütte und wenig Lüüt underwegs und Du Zyt hesch (kei ewigi Terminsuechi bitte... ;) de meld Di doch mit Telefonnummere demit mer gad chend für es Probetüürli zäme abmache.

Ich ha es GA (ke Führerschii), bin notorische Früheufsteher und fahr au gern für en tolle Tagesusflug mal 3 Stund mit em ÖV...

Freue mi uf Dini Nachricht und bis gli!
Nick
10.02.2021 um 09:48
1896 mal angezeigt