Menu öffnen Profil öffnen

Zämä dör Wind und Welle, öber Stock und Stei?

Frau sucht Mann

Zämä dör Wind und Welle, öber Stock und Stei?
CH - Bern
Frau
Mann
1993
Tüürele, langlaufe, Iglu baue, bergstiige, trekke, biwakiere, kajake (ufem Fluss, See und Meer), fein choche, mit liebe Lüüt zämä amne Füürli hocke… hesch au vil Freud a und e grossi Hampfle Erfahrig i de einte oder andere vo dene Aktivitäte?

Berg- und Wassersport begleitet mi siit Johre intensiv und immer wieder au im Bruefslebe. Trotzdem isch mer s verosse huuse und döt unvergesslochi Moment töre z gnüsse düütloch wichtiger als technischi Schwierigkeitsgrad (sowohl im Wildwasser als au z Berg).

I bi tendenziell plaisirig und bim tüürele eher defensiv onderwegs, träume aber fescht devo, imne guet ihgspielte Zweierteam au wieder ambitionierteri Projekt (z.B. trekke, bergstiige oder paddle fernab vo de Zivilisation) chönne ahzpacke.

Mi fasziniered fremdi Kulture und de hööch Norde (au ohni Flugzüg erreichbar..! ;-)), aber au direkt vor de Huustüür (mini isch im schöne BEO) gitts no so vill z entdecke…
Bisch zwüsched 26i-36gi und parat för Adventures (und wenns passt au s Abentüür Alltag) uf Augehööchi?

Hetsch vllt. sogar im August (evtl. bis Mitte Sept) Ziit för e mehrwöchigs Kanu-Adventure (Meer oder Fluss) oder Trekking im Norde? Oder hesch anderi gfreuti Ideeä?

I bi mächtig gspannt und freu mi sehr uf e paar Ziile/Fotene vo der! En entspannti Begegnig a de frische Loft chämt mer sehr entgege..;-) Bis bald!
4516
04.06.2024