Abenteuerpartnerin gesucht
Mann sucht Frau
Abenteuerpartnerin gesucht
CH - Thurgau
Mann
Frau
1992
Ich (m, 181 cm) bi vill vorusse aaztröffe, am Beste i de Berge, idealerwiis wandernd und chraxelnd ufeme Grat und usgrüstet mit Zelt, Schlofsack und Mätteli zwecks Übernachtig amne möglichst abglegene Ort. Überhaupt bin ich am liebste sportlich unterwegs, vor allem im Usduurbereich, sigs (Trail-)Renne, Velofahre (alli Arte: Toure, Rennvelo, Gravel), ab und zue en OL oder im Winter uf de Langlaufskis. Sötts Wetter moll nöd so guet sii, bin ich i de Squash- oder Badmintonhalle aaztröffe.
Ich bi ufgstellt und han Freud a Vielem, au a guete Büecher, amne glegentliche Jass, amne spannende Gspröch, a guetem Humor (am Beste mit fiiner Klinge), amne Znacht inre gmüetliche Rundi, a de Ziitig ... Villicht chöntme no min Lebestraum aafüege, wo wär: eimol mit em Velo vo Alaska noch Ushuaia zfahre.
Ich bi ufgstellt und han Freud a Vielem, au a guete Büecher, amne glegentliche Jass, amne spannende Gspröch, a guetem Humor (am Beste mit fiiner Klinge), amne Znacht inre gmüetliche Rundi, a de Ziitig ... Villicht chöntme no min Lebestraum aafüege, wo wär: eimol mit em Velo vo Alaska noch Ushuaia zfahre.
E Partnerin, wo ebefalls gern sportlich und mit Begeisterig unterwegs isch. Falls es au für Dich öppis vom Gröschte isch, i de Nacht vor em Zelt de Sternehimmel aazluege, und falls Du de Ostschwiizer Dialekt ushaltisch, wür ich mich über e Nochricht freue.